Tomas Dvorzhak, lindur në Gjermani më 1972, është fotograf i shquar që ka mbuluar ngjarje e lajme të mëdha që nga vitet 1990. Ai filloi të udhëtonte e të fotografonte konfliktet që në moshën 16-vjeçare, duke përfshirë ato në Irlandën Veriore, Izrael/Palestinë, si dhe në Jugosllavi. Dvorzhak ndoqi studimet për fotografi e gjuhë në Spanjë, në Republikën Çeke, si dhe Rusi. Ai kaloi vitet e 90-ta në Gjeorgji, duke botuar librin “Kavkaz” më 2010.
Veprat e tij të njohura janë “Taliban” (2003), “M*A*S*H IRAQ” (2007), si dhe “Feldpost” (2013–18), ku dokumentohen kujtimet e Luftës së Parë me anë të 1,568 kartolinave. Dvorzhak ka fotografuar revolucionet në republikat ish-sovjetike, si dhe ka mbuluar ndodhi në shumë vende. Ai është edhe kurator, duke hulumtuar kulturën digjitale përmes memeve (memes) në Instagram.
Gjatë krizës së refugjatëve më 2015, ai krijoi dhe shpërndau Guidën fotografike “Europe – a photographic guide for refugees.” Projekti i tij “War Games” (Lojëra lufte) zhvendosi vëmendjen tek bota virtuale në “Zoom” gjatë pandemisë Covid-19. Më 2021, ai botoi “Khidi – The Bridge” (Ura Khidi), skenar/libër fotografik për trupat gjeorgjiane. Dvorzhaku iu bashkëngjit shtëpisë Magnum Photos më 2000, u bë anëtar i plotë më 2004, si dhe shërbeu si President i saj nga viti 2017 deri më 2020.
