PALIANYTSIA – Zhanna Kadyrova

Zhanna Kadyrova u lind më 1981 në Brovary, në rajonin e Kievit, Ukrainë, ku aktualisht jeton dhe punon. Anëtare e grupit “R.E.P.” (Revolution Experimental Space). Pas përfundimit të shkollës shtetërore të artit Taras Shevchenko në vitin 1999, ajo mori Çmimin Kazimir Malevich Artist dhe Grand Prix të Projektit të Skulpturës së Kievit (të dyja në 2012). Ajo u nderua me Çmimin Special (2011), Çmimin Kryesor (2013) dhe Çmimin Special–Gjenerata e Ardhshme Ndërkombëtare (2014), të gjitha nga PinchukArtCentre.

Praktika e Kadyrovës, që nga fillimi i saj trajton disiplina të ndryshme si skulptura, fotografia, videoja dhe performanca, fokusohet thellësisht në vendin dhe hapësirën e ekspozitës. Në punën e saj, çështja e kontekstit zbërthen për të zbuluar ritmin e Historisë në lëvizje - atë të një bote me shtresa të shumta që zhduken pas menjëhershmërisë së tyre. Shpesh duke devijuar nga kanunet estetike të idealit socialist ende të pranishëm në trashëgiminë e Ukrainës bashkëkohore, perspektiva e Kadyrovës është pjesërisht e informuar nga vlerat plastike dhe simbolike të materialeve ndërtimore urbane. Kështu, qeramika, qelqi, guri dhe betoni hyjnë në fokusin e punës së saj.

Kadyrova ishte duke punuar në disa projekte specifike për vendin deri kur lufta e fundit e nisur nga Rusia kundër Ukrainës në shkurt 2022 ndryshoi të gjitha planet e saj. Ajo filloi të punojë në projektin humanitar PALIANYTSIA, nga shtëpia e saj e re në Malet e Karpateve, që është ekspozuar tashmë në mbarë botën (Itali, Gjermani, Norvegji, Japoni, Francë, SHBA, Suedi, Austri, Gjeorgji, Rumani, Tajlandë, Indi). Zhanna është tani përsëri në Kiev dhe ka prodhuar vepra të reja mbi luftën që u prezantuan në retrospektivën e saj të parë të madhe që u hap në Kunstverein Hannover (Gjermani). Një ekspozitë tjetër e madhe "Trajektorite Fluturuese" është shfaqur në Pinchuk Art Centre në Kiev (Ukrainë) nga qershori 2023.

Kadyrova ka marrë pjesë në shumë ekspozita ndërkombëtare, duke përfshirë edicionin e 2023 të Kochi Biennale (Indi), edicionin e 3-të të Bienales së Bangkokut (2022), Bienalen e 58-të, të 56-të (projekte ndërkombëtare) dhe të 55-të (Pavijoni Ukrainas) të Venecias, Bienalen e Kievit 2017 dhe “CrackUpCrackDown”, Bienalen e 33-të të Artit Grafik në Ljubljana, Slloveni. Gjatë viteve të fundit ajo është fokusuar në projekte specifike për vendin, duke përfshirë një instalacion të jashtëm në Malet Semmering (Austri), një ndërhyrje të shpërndarë dhe një skulpturë të përhershme në fshatin Tolfa (Itali) dhe një projekt skulpturor për Projektin Ndërkombëtar të Skulpturës Shanghai Jing’an (JISP) në Shanghai (Kinë).

Puna e saj është ekspozuar kombëtarisht dhe ndërkombëtarisht, duke përfshirë ekspozita në Kunstverein Hannover (Gjermani), Muzeun Stavanger (Norvegji) Kunstforum Wien (Austri), Muzeun Eretz Israel Tel Aviv (Izrael), Centre Pompidou, Palais Tokyo; La Kunsthalle Mulhouse (të gjitha Francë), Kunstraum Innsbruck (Austri) Muzeun Ludwig, Budapest (Hungari), Muzeun e Artit Modern; Kalaja Uyazdovski, Varshavë (të dyja Poloni), Spinnerei Leipzig; Badischer Kunstverein, Karlsruhe; DAAD, Zimmerstrabe, Berlin (të gjitha Gjermani), Bashkimin Kombëtar të Arkitektëve dhe Inxhinierëve të Ndërtimit të Kubës, Havana (Kubë), Muzeun Sara Hilden, Tampere (Finlandë), Qendrën e Artit Bashkiak të Lvivit, Lviv, Muzeun Kombëtar të Artit të Ukrainës dhe PinchukArtCentre, Kiev (të gjitha Ukrainë).