Alan Çin është fotograf, profesor dhe shkrimtar amerikan, i cili ka punuar si fotoreporter i pavarur në pika të ndryshme të botës, që nga viti 1996, duke përfshirë Kinën, Jugosllavinë, Afganistanin, Irakun, Azinë Qendrore, Egjiptin dhe Tunizinë. Në SHBA, ai ka dokumentuar rrugëtimin e Lëvizjes për të Drejtat Civile, pasojat e uraganit Katrina dhe zgjedhjet presidenciale të vitit 2008. Karriera e tij filloi me fotografimin e intervenimit në sheshin Tiananmen më 1989.
Çin kontribuon në Newsweek dhe The New York Times, punon si redaktor dhe fotograf në BagNews, si dhe shërben si Drejtor Menaxhues i Projektit Përballja me Ndryshimin: Dokumentimi i Amerikës (FCDA). Ai gjithashtu ligjëron për foto-gazetari në Universitetin e Kolumbisë. Aktualisht është duke punuar në një libër për Taishan, rajonin e tij stërgjyshor, si dhe është një partner themelues i Shtëpisë Red Hook Editions.
Puna e Çinit në Kosovë i solli nominimet për çmimin Pulitzer në vitet 1999 dhe 2000, ndërsa fitoi Sfidën e Arteve të Detroitit të Fondacionit Knight 2017. Fotograia e tij është pjesë e koleksioneve të Muzeut të Artit Modern dhe Institutit të Arteve të Detroitit. Ai ka lindur dhe është rritur në lagjen kineze të Nju Jorkut.
