Me rastin e 17 Shkurtit, Ditës së Pavarësisë së Kosovës, në Reporting House gjatë gjithë ditës u shfaq filmi i animuar A Kosovo Fairytale (2009), me regji nga Anna-Sofia Nylund.
Filmi është një dokumentar i animuar që ndërthur rrëfimet reale të familjes Neziri me animacion të prerë, duke treguar historinë e një familjeje refugjatësh me prejardhje shqiptare dhe serbe, të detyruar të largohen nga Kosova pas shpërthimit të luftës, ndërsa fëmija i tyre më i vogël mbetet pas.
Si një mesazh prekës për vëllain e vogël, filmi trajton vendimin e dhimbshëm të migrimit, ankthin për atë që mbetet pas dhe plagën kolektive të luftës.
